فرمان الہی
نماز کے اوقات
سانحہ ساہیوال میں جاں بحق ہونے والے خلیل فیملی کے گھروالوں کی تذلیل کا سلسلہ جاری ہے، جلیل نے کہا ہے کہ ہمارا تماشا بنایا جارہا ہے۔
پولیس خلیل کےبھائی جلیل کی فیملی کو صدر مملکت عارف علوی اور چیئرمین سینیٹ صادق سنجرانی سے ملوانے اسلام آباد لے کر گئی۔
میڈیا سے گفتگو میں جلیل نے بتایا کہ پولیس فیملی کو سارا دن اسلام آباد کی سڑکوں پر گھماتی رہی پھر معلوم ہوا صدر کراچی اور چیئرمین سینیٹ بلوچستان چلے گئے ہیں۔
جلیل نے الزام لگایا کہ ہمارا تماشا بنایا جارہا ہے،صدر صاحب نے ہمیں بلایا اور خود کراچی چلے گئے،حکومت نے بہت مایوس کیا۔
انہوں نے استفسار کیا کہ حکومت ہم سے کیاچاہتی ہے؟پولیس اہلکار گھر کر آکر کہتے ہیں کہ کہیں نہ جائیں وی آئی پی نے آپ سے ملنے کےلئے آنا ہے۔
جلیل نے مزید کہا کہ ہم سے رات 3 بجے تک بیانات لکھوائے جاتے ہیں،یہ تماشا لگارہے ہیں،پہلے کیا کم لگا ہے۔
ان کا کہنا تھا کہ وزراء کے بیانات نے ہماری بہت دل آزاری کی ہے جبکہ جے آئی ٹی کی کارروائی کے بارے میں ہمیں کچھ علم نہیں ہے۔
