بلوچستان، جلی ہوئی گاڑی سے ملنےوالی لاش کی شناخت

بلوچستان کے علاقے بیلہ کے قریب جلی ہوئی گاڑی سے ملنے والی لاش کی شناخت عبدالرحیم کے نام سے ہوگئی، مقتول 2 روز قبل کراچی سے لاپتہ ہوا تھا۔

لیویز حکام کے مطابق بیلہ کے قریب سورو ندی میں جلی ہوئی گاڑی سے ایک شخص کی لاش ملی تھی جس کو سول اسپتال بیلہ منتقل کیا گیا تھا۔

اسپتال میں مقتول کی شناخت عبدالرحیم کے نام سے ہوئی جو جمعہ کو کراچی کے علاقے ڈیفنس سے لاپتہ ہوا تھا۔

مقتول کا تعلق بلوچستان کےعلاقے ڈیرہ مراد جمالی سے ہے، جبکہ واقعے کی مزید تحقیقات کی جارہی ہیں ۔