فرمان الہی
نماز کے اوقات
لاہور (پ ر) جنگ گروپ کے زیرانتظام پاکستان کی سب سے بڑی تعلیمی نمائش جنگ ایجوکیشن ایکسپو 2019کا افتتاح آج جی ٹی روڈ گوجرانوالہ (ہیون کیسل ہال) کنگنی والا بائی پاس میں ہورہا ہے۔ یہ تعلیمی نمائش صبح 10بجے سے لے کر شام 7بجے تک بغیر کسی تعطل کے جاری رہے گی۔ جنگ گروپ نے ہمیشہ کی طرح اپنی روایت کو برقرار رکھتے ہوئے تعلیم کے میدان میں گراں قدر خدمات سرانجام دی ہیں اور اسی سلسلے میں پورے ملک میں طلبہ و طالبات کو اپنے بہترین مستقبل کے بارے میں بھرپور رہنمائی کیلئے مختلف شہروں میں ان تعلیمی نمائشوں کا انعقاد کیا جاتا ہے۔ جنگ گوجرانوالہ ایکسپو میں دی یونیورسٹی آف لاہور، سپیریئر گروپ آف کالجز، یونیورسٹی آف سیالکوٹ، گفٹ یونیورسٹی، ٹائمز کالج، دار ارقم، یو ایم ٹی، پروفیشنل اکیڈمی آف کامرس، JIRS، ایلیٹ سکول، کالج آف لا، ایجوکیٹرز، ACCA، دی ملینیم یونیورسٹی، لیپٹک، گوتھم، سٹار انسٹیٹیوٹ، الائیڈ انسٹیٹیوٹ آف میڈیکل سائنسز، ہائیبرو، سٹڈیم ایم، اے بی این کنسلٹنٹ، اقبال اکیڈمی اور دیگر لوکل و بین الاقوامی تعلیمی ادارے نمائش میں حصہ لے رہے ہیں۔ طلبہ و طالبات کیلئے داخلہ فری ہے۔
