فرمان الہی
نماز کے اوقات
کوئٹہ(نمائندہ جنگ) کوئٹہ سمیت بلو چستان کے مختلف علاقوں میں بدھ کو بارش و برفباری کا سلسلہ جاری رہا یخ بستہ ہوائیں چلنے سے سردی کی شدت میں اچانک اضافہ ہو گیا ،گزشتہ روز کوئٹہ میں کم سے کم درجہ حرارت منفی 5سینٹی گریڈ ریکارڈ کیا گیا، کوئٹہ میں خون جما دینے والی سردی سے معمولات زندگی متاثر ہوئے بازار سرشام ویران اور لوگ گھروں میں محصور ہو کر رہ گئے ، شہر کے بعض علاقوں میں گیس پریشر میں کمی کے باعث شہریوں کو سخت مشکلات کا سامنا کرنا پڑا ،کوئٹہ میں ہونے والی بارش کے بعد گزشتہ روز بھی دن بھر بادل چھائے رہے اور سرد ہوائیں چلتی رہیں جبکہ شام کو برفباری ہوئی ، محکمہ موسمیات کی جانب سے آج بھی موسم سرد رہنے کی پیش گوئی کی گئی ہے ۔
