• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پسنی ،ماکولہ ڈیم میں دراڑیں ،پانی رسنے لگا،خوف سے نقل مکانی شروع

آج کا اخبار
اہم خبریں
07 فروری ، 2019
گوادر(آن لائن )پسنی کے ماکولہ ڈیم میں دراڑیں پڑنی شروع ہوگئیں ،پانی رسنا شروع ہو گیا، خوف کے مارے لوگوں نے نقل مکانی شروع کردی ، سوکے قریب گھرانے محفوظ علاقوں میں شفٹ ہوگئے۔ تفصیلات کے مطابق پسنی کے” ماکولہ “ نامی علاقے کے لوگوں نے ڈیم ٹوٹنے کے خوف سے گھربار چھوڑ کر محفوظ مقامات کی جانب نقل مکانی شروع کردی علاقے سے آنے والی اطلاعات پرجب مقامی میڈیا کی ٹیم نے متاثرہ علاقے کا دورہ کیا تو وہاں مکینوں نے انکشاف کرتے ہوئے بتایا کہ ” ماکولہ ڈیم“ میں دراڑیں پڑنے اور پانی رسنے سے لوگ خوف زدہ ہوکر نقل مکانی پر مجبور ہوچکے ہیں انہوں نے بتایاکہ کہ ماکولہ شرقی اور ماکولہ غربی کے ایک سو کے قریب آبادی اپنے گھر بار چھوڑ کر بے سروسامانی کی حالت میں محفوظ میدانی علاقوں میں رہائش اختیار کرنے پر مجبور ہوگئی ہے متاثرین نے بتایا کہ وہ گزشتہ پندرہ دن سے بے یارومددگار پڑے ہوئے ہیں مگر ضلعی انتظامیہ سمیت کسی بھی سرکاری نمائندے نے انکی حال پرسی نہیں کی ہے ،علاقہ اور گھر بار چھوڑنے کی وجہ سے بھوک اور سردی نے لوگوں کا براحال کردیا ہے جبکہ سرکاری اسکول کی بندش سے بچوں کی پڑھائی بھی متاثر ہوئی ہے واضح رہے کہ ماکولہ ڈیم کی تعمیر2017میںمکمل ہوئی جبکہ 8مئی 2017کو ایم پی اے گوادرمیر حمل کلمتی نے اسکا افتتاح کیاتھا حالیہ بارشوں سے ڈیم میں 19فٹ تک پانی جمع ہوگیاہے لیکن پانی کے نکاس کا عمل ابھی تک شروع نہیں کیاگیا ۔
تازہ ترین