• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چین کے ارضیاتی تحقیقاتی جہاز کی کراچی آمد

تازہ ترین
قومی خبریں
14 فروری ، 2019
چین کے جیولوجیکل سروے شپ کا دورہ پاکستان

چین کے ارضیاتی تحقیقاتی جہاز (سی جی ایس)ہائی یانگ ڈی ژی شی ہاؤ نے پاکستان کی ارضیاتی نقشہ کشی اور ہائیڈروکاربن کی دریافت کے سلسلے میںپاکستان بحریہ کی زیر نگرانی کراچی کا دورہ کیا۔ چین کے ارضیاتی تحقیقاتی جہاز کی اس مہم کا دورانیہ دسمبر 18سے فروری 19 تک ہے۔


چین کے ارضیاتی تحقیقاتی جہاز کے دورے کا فیصلہ گزشتہ برس چیف آف نیول اسٹاف ایڈمرل ظفر محمود عباسی کی چین کے ارضیاتی سروے کے نائب وزیر ڈاکٹر زونگ زیران سے ملاقات کے بعد کیا گیاتھا۔

مہم کے دوران چین کے ارضیاتی تحقیقاتی جہاز نے پاکستان کی سمندری حدود میں مختلف ارضیاتی تبدیلیوں پر تحقیق کا آغاز کیا۔

چینی سائنسدانوں کے ساتھ نیشنل انسٹی ٹیوٹ آف اوشنوگرافی اور پاکستان بحریہ کے ماہرین نے بھی حصہ لیا۔ حاصل شدہ معلومات پر دونوں ممالک کے سائنسدان مشترکہ تحقیقات کریں گے۔

چین کے جیولوجیکل سروے شپ کا دورہ پاکستان

یہ مہم ارضیاتی نقشہ کشی اور سمندر میں رونما ہونے والی تبدیلیوں پر تحقیق کے حوالے سے پاکستان اور چین کے مابین بڑھتے ہوئے اشتراک کا مظہر ہےاوربحری تحقیق کے میدان میں یہ تعاون مستقبل میں بھی جاری رہے گا۔

مستقبل قریب میں چین کے ارضیاتی تحقیقاتی جہاز کی مزید تحقیقی سرگرمیوں کی منصوبہ بندی کی گئی ہے۔ امید کی جا رہی ہے کہ یہ مہم ہماری سمندری حدود میں وسائل کے حصول میں مددگار ثابت ہو گی۔

تازہ ترین