’’نیب نے خواتین کو 6 گھنٹے حبس بیجا میں رکھا‘‘

پیپلز پارٹی کی خاتون رہنما شہلا رضا کا کہنا ہے کہ نیب نے خواتین کو 6گھنٹے سے زائد حبس بیجا میں رکھا اور کوئی پوچھنے والا نہیں۔

شہلا رضا کراچی کی احتساب عدالت کے باہر میڈیا سے گفتگو کرتے ہوئے اسپیکر سندھ اسمبلی آغا سراج درانی کی گرفتاری کے حوالے سے اپنے ردعمل کااظہار کر رہی تھیں۔

نیب نے آغا سراج درانی کو گرفتار کر لیا

قومی احتساب بیورو (نیب) نے سندھ اسمبلی کے اسپیکر...

کراچی، نیب کا سراج درانی کے گھر چھاپہ،7 گھنٹے تلاشی

نیب ٹیم کی جانب سے کراچی میں اسپیکر سندھ اسمبلی...

انہوں نے مزید کہا کہ نیب کی کسٹڈی سے اساتذہ کی لاشیں بھی ملی ہیں۔

واضح رہے کہ اسپیکر سندھ اسمبلی آغا سراج درانی کو گزشتہ روز اسلام آباد کے ایک ہوٹل سے نیب نے گرفتار کر لیا۔

نیب نے اسی روز ہی آغا سراج درانی احتساب عدالت میں پیش کر کے ان کا 3 روزہ راہداری ریمانڈ لیا تھا اور انہیں کراچی منتقل کر دیا تھا۔

آج کراچی کی احتساب عدالت میں آغا سراج درانی کو پیش کیا جارہا ہے، اس موقع پر پیپلز پارٹی کے رہنما عدالت میں موجود ہیں۔