فرمان الہی
نماز کے اوقات
پاکستان سپر لیگ میں پہلی پوزیشن کیلئے کوئٹہ گلیڈی ایٹرز اور پشاور زلمی کے درمیان رسہ کشی جاری ہے۔ دونوں ٹیموں کے دس، دس پوائنٹس ہیں تاہم رن ریٹ پر پشاور زلمی آگے ہے۔
پاکستان سپر لیگ کے سنسنی خیز میچز جاری ہیں، چوکے، چھکےاور انٹرٹیمنٹ سے بھرپور میچز میں ٹیموں کی پوزیشنز بھی واضح ہونا شروع ہوگئی ہیں۔
اب تک پشاور زلمی اور کوئٹہ گلیڈی ایٹرز دس، دس پوائنٹس حاصل کرکے لاسٹ فور مرحلے میں جگہ بنانے میں کامیاب ہو چکی ہیں ۔
پشاور زلمی بہتر رن ریٹ پر کوئٹہ گلیڈی ایٹرز سے آگے ہے جبکہ اسلام آباد یونائیٹڈ آٹھ پوائنٹس کے ساتھ تیسرے نمبر پر ہے۔
لاہور قلندرز اور کراچی کنگز کے چھ، چھ پوائنٹس ہیں،جو بالترتیب چوتھے اور پانچویں نمبر پر ہیں ۔
ملتان سلطانز صرف دو فتوحات حا صل کرسکی ہے، جو پوائنٹس ٹیبل پر آخری پوزیشن پر موجود ہےلیکن لاسٹ فور میں کوالیفائی کرنے کی امیدیں اب بھی باقی ہیں ۔
ملتان کو کوالفائی کرنے کے لئے دونوں میچز جیت کر کراچی کنگز اور لاہور قلندرز کی بقیہ تین میچز میں سے کم از کم دو میں شکست کا انتظار کرنا ہوگا۔
