فرمان الہی
نماز کے اوقات
پاکستان سپر لیگ کے 26 ویں میچ میں کوئٹہ گلیڈی ایٹرز نے اسلام آباد یونائیٹڈ کو 43 رنز سے شکست دے دی۔ احمد شہزاد کو بہترین کارگردگی پر مین آف دی میچ کا ایوارڈ سے نوازا گیا۔
ہدف کا تعاقب کرتے ہوئے اسلام آبادیونائیٹڈ 20 اوور میں 9 وکٹ کے نقصان پر 137 رنز تک محدود رہی۔
اسلام آباد کی جانب سے لیوک رونچی 43 گیندوں پر 64 رنز بنا کر سب سے نمایاں رہے جبکہ دیلپورٹ 25، سالٹ اور فہیم اشرف بالترتیب 2، 2 رنز بنا کر آؤٹ ہوئے، اس کے علاوہ شاداب خان 8،عماد بٹ اور آصف علی صفر پر پویلین لوٹ گئے۔
اسلام آباد یونائیٹڈ نے کوئٹہ گلیڈی ایٹرز کے خلاف ٹاس جیت کر فیلڈنگ کا فیصلہ کیا تھا۔
کوئٹہ گلیڈی ایٹرز نے پہلے کھیلتے ہوئےاسلام آباد یونائیٹڈ کو جیت کے لئے 181 رنز کا ہدف دیاتھا۔
کوئٹہ گلیڈی ایٹرز کے اوپنرز زیادہ اچھا آغاز نہ دے سکے اور شین واٹسن 15 رنز بناکر پٹیل کی گیند پر فہیم اشریف کے ہاتھوں کیچ آؤٹ ہوئے۔
احمد شہزاد اور نئے آنے والے بیٹسمین اعظم خان نے دوسری وکٹ کی شراکت میں 38 رنز جوڑکر ٹیم کا اسکور 62 تک پہنچایا، اس موقع پر اعظم خان فہیم اشرف کا شکار بننے۔
کوئٹہ کی دو وکٹیں گرنے کے بعد احمد شہزاد کا ساتھ دینے روسوؤ میدان میں اترے اور برق رفتاری سے رنز بناتے ہوئے مجموعی اسکور میں 46رنز کا اضافہ کیا، روسوؤ 17 گیندوں پر 23 رنز کی اننگز کھیل کر پویلین لوٹ گئے۔
عمر اکمل نے بھی ان کا بھرپور ساتھ دیا لیکن جب ان کا انفرادی اسکور 27 رنز ہوا تو عماد بٹ کی گیند پر کلین بولڈ ہوگئے۔
دوسری جانب احمد شہزاد ذمہ دارانہ بیٹنگ کرتے ہوئے 46 گیندوں پر 73 رنز بناکر پویلین لوٹے گئے،براوو بغیر کھاتہ کھولے جبکہ کپتان سرفراز صرف ایک رن بناکر آؤٹ ہوئے۔
محمد نواز نے صرف 5 گیندوں پر 15 رنز بناکر ٹیم کا اسکور 180 تک پہنچانے میں مدد دی۔
اسلام آباد کے فہیم اشرف نے 4، عمادبٹ نے 3 جبکہ سمیت پٹیل اور ظفر گوہر نے ایک، ایک وکٹ حاصل کی تھی۔
