فرمان الہی
نماز کے اوقات
پیپلز پارٹی کی نائب صدر سینیٹر شیری رحمان نے کہا ہے کہ جس وزیراعظم کو جگہ کا نام معلوم نہ ہو ، اسے وہا ں کے عوام اور مسائل کا کیا پتا ہوگا، انکا کہنا تھا کہ آج اپنے دورہ تھر کے دوران وزیراعظم اپنی پوری تقریرکے دوران چھاچھرو کو چھچھرو کہتے رہے، اب کوئی وزیراعظم کو بتائے کہ وہ چھچھرو نہیں بلکہ چھاچھرو میں ہیں۔
وزیراعظم عمران خان کی تقریر پر اپنے ردعمل کا اظہار کرتے ہوئےسینیٹر شیری رحمان کا کہنا تھا کہ عمران خان کے اعداد وشمار خیالی ہیں حقیقی نہیں، وزیراعظم کو کوئی بتائے کہ تھرپارکر نہیں خیبر پختونخواہ کا کوہستان سب سے پسماندہ علاقہ ہے۔
انکا کہنا تھا کہ خیبر پختون خواہ میں عمران خان چھ سال سے حکومت کر رہے ہیں،لیکن کوہستان کے 95 فیصد لوگوں کو بنیادی سہولتیں میسر نہیں، عمران خان سمیت پوری پی ٹی آئی کو بھٹو فوبیا ہوگیا ہے، شیری رحما ن نے مزید کہا کہ ماں کا نام ساتھ لگانے پر تنقید عمران خان کی تنگ ذہنیت کی عکاس ہے۔
آج پتہ لگ گیا کہ عمران خان اور اسد عمر کی ایک ہی کیٹگری ہے، انگریزی میں تقریر تو وزیرخارجہ شاہ محمود قریشی نے بھی کی مگر عمران خان نے اس پر کچھ نہیں کہا، یہ کیسا وزیراعظم ہے جو ایشوز کے بجائے نام اور زبان کی بات کرتا ہے۔
