• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جعلی اکائونٹس کیس، زرداری ،فریال کی 75 جائیدادوں کا مائیکرو فلمنگ ریکارڈ طلب

آج کا اخبار
اہم خبریں
09 مارچ ، 2019
راولپنڈی ( مانیٹرنگ ڈیسک) جعلی اکاونٹس اور منی لانڈرنگ کیس میں جے آئی ٹی نےآصف علی زرداری اور فریال تالپور کے75جائیدادوں سے متعلق مائیکرو فلمنگ ریکارڈ طلب کرلیا۔ دستاویزات کے مطابق تمام کھاتے آصف علی زرداری اور فریال تالپور کے نام پر ہیں، زمینوں اور جائیداد کے اسکیننگ ریکارڈ انٹری کا تعلق ٹنڈوالہ یار، بدین، حیدرآباد، لاڑکانہ، بینظیر آباد اورکراچی جنوبی سے ہے۔سپریم کورٹ کے حکم پر جعلی اکاؤنٹس کیس میں قائم جے آئی ٹی نے آصف زرداری اور فریال تالپور کی جائیدادوں کا اسکیننگ ریکارڈ انسپکٹر جنرل مائیکرو فلمنگ بورڈ آف ریونیو سندھ سے طلب کرتے ہوئے انہیں ریکارڈ سمیت پیش ہونے کی ہدایت کی ہے۔جے آئی ٹی کی جانب سے جاری خط میں انسپکٹر جنرل مائیکرو فلمنگ بورڈ آف ریونیو کو 75 کھاتوں کے اسکیننگ ریکارڈ سمیت پیش ہونے کی ہدایت کی ہے۔
تازہ ترین