• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھکر، بس نے اسکول رکشتے کوکچل دیا، 6 طالبات سمیت 7 افراد جاں بحق

آج کا اخبار
اہم خبریں
31 مارچ ، 2019
لاہور(نامہ نگار،خصوصی رپورٹر)بس نے اسکول رکشےکو کچل دیا،6طالبات سمیت7افراد جاں بحق ہوگئے۔جھنگ روڈ پر جیسے والا کے قریب گورنمنٹ گرلز ہائی سکول چک نمبر 47میں نویں جماعت کی 7طالبات پیپر دے کر چک نمبر 57ٹی ڈی اے واپس گھر جا رہی تھیں کہ بھکر جھنگ روڈ پر جیسے والا کے قریب ملتان سے ڈیرہ اسمعیل خان جانے والی تیز رفتار مسافر بس نے رکشہ کو کچل ڈالا جس سے رکشہ میں سوار 6طالبات اور رکشہ ڈرائیور موقع پر جاں بحق ہوگئے جب کہ ایک زخمی طالبہ کو فوری طور پرہسپتال پہنچایا گیا۔ حادثہ میں جاں بحق ہونے والوں میں رکشہ ڈرائیور محمد امجد، طالبات میں سویرا شفیق، اقرا رفیق، مریم، صنم بشیر، ثوبیہ اور ثنا پروین شامل ہیں۔ اہل علاقہ اور انجمن تاجران نے شدید احتجاج کرتے ہوئے بس کو نذرآتش کردیا۔لوگوں نے ضلعی انتظامیہ سے مطالبہ کیا کہ وہ اس طرح کی ٹرانسپورٹ کے بھکر کی حدود میں داخلہ پر پابندی لگائے جس پر ڈپٹی کمشنر بھکر نے مذکورہ ٹرانسپورٹ کی کمپنی کی ذاتی اور ان سے متعلقہ چلنے والی تمام گاڑیوں پر انتظامی بنیادوں پر تاحکم ثانی ضلع بھکر میں داخلہ پر پابندی لگا دی ۔
تازہ ترین