فرمان الہی
نماز کے اوقات
اسلام آباد (عاصم جاوید) نوازشریف، شہباز شریف، حمزہ شہباز،آصف زرداری کیلئے آج سے اہم عدالتی ہفتہ شروع ہو رہا ہے، سپریم کورٹ، لاہور ہائیکورٹ، اسلام آباد ہائیکورٹ اور احتساب عدالت میں میں نواز شریف، شہباز شریف، حمزہ شہباز، آصف علی زرداری فریال تالپور کے مقدمات کی سماعت رواں ہفتے میں ہو گی،لاہور ہائیکورٹ میں حمزہ شہباز کی حفاظتی ضمانت کی درخواست کی سماعت آج ہوگی، نواز شریف کی العزیزیہ اسٹیل ملز ریفرنس میں سزا کیخلاف اپیل اور نیب کی جانب سے سزا میں اضافہ کی درخواست کی سماعت منگل 9؍اپریل، آصف علی زرداری، فریال تالپور کی جعلی بنک اکاونٹس کیس میں ضمانت کی درخواست کی سماعت بدھ 10 ؍اپریل کو اسلام آباد ہائی کورٹ میں ہو گی جبکہ آصف علی زرداری کیخلاف جعلی اکائونٹس کیس کی سماعت آج اسلام آباد کی خصوصی احتساب عدالت میں ہو گی، شہباز شریف اورفواد حسن فواد کی ہائی کورٹ سے ہونے والی ضمانتوں کیخلاف چیئرمین نیب کی اپیلوں کی سماعت منگل 9 اپریل کو سپریم کورٹ میں ہو گی۔ واضح رہے کہ اسلام آباد کی احتساب عدالت نے نواز شریف کو العزیزیہ اسٹیل ملز ریفرنس میں 7 سال قید اور جرمانے کی سزا سنائی تھی جسے نواز شریف نے اسلام آباد ہائی کورٹ میں چیلنج کیا تھا۔ دوسری جانب سے نیب نے درخواست دائر کی تھی کہ العزیزیہ اسٹیل ملز ریفرنس میں نواز شریف کو قید کی سزا کم سنائی گئی لہٰذا اسے 7 سے بڑھا کر 14 سال کیا جائے۔
