فرمان الہی
نماز کے اوقات
کراچی(اسٹاف رپورٹر)پاکستان ہاکی فیڈریشن میں مبینہ کرپشن اقربا پروری، غیر آئینی اور غیر شفاف معاملات کے حوالے سےپیر کو لاہور پریس کلب میں سیمینار کا انعقاد کیا گیا۔سیمینار میں سابق کپتانوں اولمپئنز اور ایسوسی ایشنوں کے عہدیدار وں اور نمائندوں کی شرکت کی۔اس موقع پر سابق کپتان منظور جونئیر نے کہا کہ ہم نے ہاکی کی عزت کے لئے بڑی قربانیاں دی ہیں ، وزیر اعظم عمران خان سے درخواست ہے کہ وہ قومی کھیل کی طرف بھی توجہ دیں۔ سابق کپتان حنیف خان نے کہا کہ بدقسمتی سے ہاکی پر کوئی کام نہیں کیا گیا ۔ اپنا عہدہ بچانے کےلئے متوازی ایسوسی ایشن بنائی گئی ہیں ۔ ڈاکٹر طارق عزیز نے کہا کہ موجودہ انتظامیہ توقعات پر پورا نہیں اتررہی۔ سابق کپتان محمد ثقلین نے کہا کہ احتساب وقت کی ضرورت ہے۔ رائو سلیم ناظم نے کہا کہ ایف آئی اے کو پی ایچ ایف اکاؤنٹس کی تحقیقات کرنی چاہیں۔ سابق وزیر کھیل سندھ ڈاکٹر جنید علی شاہ نے کہا کہ ہم سب اکٹھے ہوئے ہیں امید ہے ہاکی اب بہتر ہو گی ۔
