• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ:10ٹرک ، 10 منی بس بغیر پرمٹ اور فٹنس نہ رکھنے پر بند

میرا شہر
کوئٹہ
12 اپریل ، 2019
کوئٹہ(خ ن) بلوچستان ہائی کورٹ کے حکم پر کمشنر کوئٹہ ڈویژن کی خصوصی ہدایت پر سیکرٹری آر ٹی اے کوئٹہ اور ڈی ایس پی ٹریفک پولیس شبانہ حبیب پولیس اور لیویز کے ہمراہ ائیر پورٹ روڈ پر غیر قانونی مال بردار اور مسافر بردار گاڑیوں کی سرچ لائٹس اور پریشر ہارن روٹ پرمٹ اور فٹنس نہ رکھنے والی گاڑیوں کی خلاف کارروائی کرتے ہوئے 10ٹرک،10 منی بس بغیرپرمٹ اور فٹنس نہ رکھنے پر بند کر دیئے اور 77 گاڑیوں سے سرچ لائٹس اتار دی گئی، 9 منی بسوں سے ایڈیشنل سٹیں نکالی گئیں اور 141 کمرشل گاڑیوں کا چالان کیا گیا۔ سیکرٹری آر ٹی اے کوئٹہ روحانہ گل کاکڑ نے کہا کہ کوئٹہ شہر اور قومی شاہراہوں پر بغیرپرمٹ ، سرچ لائٹس اور پریشر ہارن استعمال کرنے والی گاڑیوں کے خلاف کاروائی کر رہے ہیں، ٹرانسپورٹ کی حالات زار بہتر بنانے اور عوام کی جان ومال کے تحفظ کے لیے ہر ممکن اقدامات کئے جا رہے ہیں، انہوں نےکہا کہ سرچ لائٹس اور پریشر ہارن فروخت کرنے والے دکانداروں کے خلاف آئندہ کارروائی ہوگی عمل نہ کرنے پر متعلقہ دکان سیل کر دی جائے گی۔
تازہ ترین