کراچی(صباح نیوز)جماعت اسلامی کراچی کے تحت ہونے والے ”تحفظ ناموس رسالت مارچ “ کی تیاریاں مکمل کر لی گئیں،عظیم الشان تحفظ ِ ناموسِ رسالت مارچ آج ہوگا۔مارچ کا آغاز سہ پہر تین بجے نیپا چورنگی سے ہوگا،جہاں سے شرکاءحسن اسکوائر تک پیدل مارچ کریں گے۔جماعت اسلامی پاکستان کے امیر سراج الحق مارچ کے شرکاءسے خصوصی خطاب کریں گے۔مارچ میں ہر مکتبہ فکر کے افراد خواتین ،مزدور ،وکلاء،طلباء،تاجر ،صحافی اور قلم کار شرکت کریں گے۔شہر میں مختلف مقامات پر بینرز اور پوسٹرز آویزاں کردیئے گئے ہیں۔جماعت اسلامی یوتھ ونگ کے تحت نمائش چورنگی پر ایک بڑا کیمپ لگایا گیا ہے ،شہر میں تحفظ ناموس رسالت مارچ کے حوالے سے فلوٹ گشت کررہے ہیں ،جہاں سے عام شہریوں کو مارچ میں شرکت کی دعوت دی جارہی ہے ۔مارچ کی تیاریوں کے سلسلے میں متعد مقامات پر کارنر میٹنگز کا انعقاد کیا گیا اور جماعت اسلامی کے کارکنو ں نے گھر گھر جاکر عوام کو اس مارچ میں شرکت کی دعوت دی جبکہ جماعت اسلامی حلقہ خواتین نے بھی گھر گھر جاکر خواتین کو اس مارچ میں شرکت کی دعوت دی ۔
فرمان الہی
نماز کے اوقات
