وزیراعظم کی گفتگو اخلاقیات سے عاری ہوتی ہے، ترجمان بلاول بھٹو

25 اپریل ، 2019

پاکستان پیپلز پارٹی کے چیئرمین بلاول بھٹو زرداری کے ترجمان سینیٹر مصطفی نواز کھوکھرنے کہا ہے کہ حکومت کو کچھ اور نہیں مل رہا تو اس نے چیئرمن پی پی کی اردو زبان کا اشو بنا رہی ہے،پہلے بلاول بھٹو زرداری کی انگریزی تقاریر کا اشو بنایا گیا۔اب چیئرمن کی اردو زبان میں غلطیوں کا اشو بنایا جا رہا ہے۔

اپنے ایک بیان میں مصطفی نواز کھوکھرکا کہنا تھا کہ مسئلہ زبان کا نہیں اخلاقیات اور سماجی اقدار کا ہے۔انھوں نے کہا کہ سیلیکٹ وزیراعظم کی گفتگو غیرشائستہ اور اخلاقیات سے عاری ہوتی ہے۔

چیئرمین بلاول بھٹو زرداری نے کبھی بھی شائستگی اور اخلاقیات کا دامن نہیں چھوڑا۔آج بھی چیئرمن پی پی پی نے حکومت پر عوامی مسائل کی بنیاد پر تنقید کی۔

ہمارے پاس بھی عمران خان کی زندگی پر بولنے کو بہت کچھ ہے۔چیئرمن چاہتے تو عمران خان کی زندگی اور ذاتیات پر بھی بول سکتے تھے۔کسی کی ذاتیات کو سیاست میں اچھالنا پی پی قیادت کا شیوہ نہیں۔

بلاول بھٹو زرداری نے آج پھر اپنی روایات کی پاسداری اور اعلٰی ظرفی کا مظاہرہ کیا۔چیئرمن پی پی نے عمران خان کی جانب سے خواتین کی توہین کی مذمت کی۔ہم مسائل کی نشاندہی کرتے ہیں اور وزیراعظم اور ان کی ٹیم ذاتیات پر اتر آتی ہے۔حکومت کے پاس اپوزیشن کے سوالوں کا جواب نہیں ہے۔

تازہ ترین