آپ آف لائن ہیں
جنگ ای پیپر
جمعرات16؍ ربیع الاوّل 1441ھ 14؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

رقص پر جھگڑا، شوہر نے بیوی کو قتل کردیا

بھارت میں دوسری عورت کے ساتھ رقص کرنے پر میاں بیوی کے درمیان جھگڑا اتنی شدت اختیار کر گیا کہ شوہر نے بیوی کو کلہاڑی سے قتل کردیا۔

انڈیا ٹوڈے کی رپورٹ کے مطابق بھارت کے شہر اُدے پور کے رہائشی ایک 60 سالہ شخص کا اپنی بیوی سے دوسری عورت کے ساتھ رقص کرنے پر جھگڑا ہوا جو کہ اتنی شدت اختیار کرگیا کہ اُس سے اپنی بیوی کو کلہاڑی کے ذریعے بے دردی سے قتل کردیا۔

پولیس نے بتایا کہ ملزم ’کشھورام‘ اپنی50 سالہ بیوی ’بھیکالی‘ کے ہمراہ اپنے پڑوسی کے خاندان میں ہونے والی ایک شادی کی تقریب میں شرکت کے لیے اُدے پور کے پنوارا پولیس اسٹیشن گئے تھے جہاں کشھورام نے ایک دوسری خاتون کے ساتھ رقص کرنا شروع کردیا جبکہ اُس کی بیوی وہیں بیٹھی یہ سب دیکھتی رہی۔

پولیس نے مزید بتایا کہ گھر آکر دونوں میاں بیوی میں اس بات پر  کافی جھگڑا ہوا جس پر غصے میں آکر کشھورام نے بھیکالی کو قتل کردیا۔

شوہر کے ہاتھوں بے دردی سے قتل ہونے والی بھیکالی کے سوتیلے بیٹے نے ماں کے قتل ہونے کی اطلاع پولیس کو دی ، جس کے بعد پولیس نے پوسٹ مارٹم کے لیے لاش کو فوری اسپتال منتقل کیا۔

پوسٹ مارٹم کے بعد پولیس نے خاتون کی لاش ورثاء کے حوالے کردی جبکہ ملزم کشھورام کو گرفتار کرلیا گیا ہے۔

متفرق سے مزید