• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

روشنیوں کا شہر ملتان مہم ، کمشنر کا رات گئے مختلف علاقوں کادورہ

میرا شہر
ملتان
22 جون ، 2019
ملتان (سٹاف رپورٹر) کمشنر ملتان ڈویژن و ایڈمنسٹریٹر میونسپل کارپوریشن ملتان عمران سکندر بلوچ روشنیوں کا شہر ملتان مہم کا جائزہ لینے کیلئے رات گئے مختلف چوکوں پر پہنچ گئے ، چیف آفیسر میونسپل کارپوریشن و ضلع کونسل اقبال فرید نے کمشنر ملتان کو ایم ڈی اے چوک، نشتر چوک ، بوسن روڈ پر لگائی جانیوالی نئی لائٹس بارے بریفینگ دی ۔ کمشنر ملتان ڈویژن عمران سکندر بلوچ نے کہا ہے کہ ماضی میں ملتان کی پسماندگی ختم کرنے اور خوبصورتی کو ابھارنے کیلئے خاطر خواہ اقداما ت نہیں کئے گئے ، ملتان شہر کو چند ماہ میں ہی دیگر بڑے شہروں کے مقابلے میں لےجایا جائے گا۔ چیف آفیسر اقبال فرید نے بریفنگ دیتے ہوئے بتایا کہ گھنٹہ گھرچوک ، مزار ات سمیت دیگر جگہوں پر لائٹس روشن کردی گئی ہیں ، بوسن روڈ پر بھی جدید خوبصورت لائٹس لگائی جارہی ہیں ملتان کو روشنیوں کا شہر بنانے میں تمام وسائل بروئے کار لائے جارہے ہیں۔
تازہ ترین