آپ آف لائن ہیں
جنگ ای پیپر
اتوار19؍ربیع الاوّل 1441ھ 17؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

شسپر گلیشیئر جھیل سے پانی کا اخراج مکمل

گلگت بلتستان کے ضلع ہنزہ میں شسپر گلیشیئر کے سرکنے سے بننے والی جھیل سے پانی کا اخراج مکمل ہوگیا۔

حسن آباد نالے میں بھی پانی کے بہاؤ میں کمی آ رہی ہے، 6 ماہ قبل شسپر گلیشیئر کے سرکنے سے جھیل بن گئی تھی۔

ہنزہ: شسپر گلیشیئر سرکنے سے آبادی کو خطرہ

وادی ہنزہ میں شسپرگلیشیئر کے سرکنے کا عمل تیز...

گلگت بلتستان ڈیزاسٹر مینجمنٹ اتھارٹی کے ڈپٹی ڈائریکٹر شہزاد بیگ کے مطابق شسپر گلیشیئرکے سرکنے سے بننے والی جھیل سے پانی کا اخراج مکمل ہوگیا ہے۔

انہوں نے بتایا کہ شسپر گلیشیئر کے سرکنے سے 6 ماہ قبل پانی کا بہاؤ رک گیا تھا جس کے باعث یہاں جھیل بن گئی تھی تاہم موسم گرم ہونے کے بعد پانی کا بہاؤ شروع ہو گیا۔

ڈپٹی ڈائریکٹر گلگت بلتستان ڈیزاسٹر مینجمنٹ اتھارٹی شہزاد بیگ نے مزید بتایا کہ پانی کے بہاؤ کے باعث ہونے والےکٹاؤ سےحسن آباد نالے کے دونوں جانب باغات اور زرعی زمین متاثر ہوئی ہے۔

انہوں نے یہ بھی بتایا کہ پانی کے بہاؤ کے باعث شاہراہِ قراقرم بھی حسن آباد کے مقام پر کٹاؤ کی زد میں آ گئی جس کے باعث ٹریفک کی روانی بھی متاثر ہوئی، تاہم اب شسپر گلیشیئر کے سرکنے سے بننے والی جھیل سے پانی کا اخراج مکمل ہو گیا ہے۔

واضح رہے کہ 6 ماہ قبل وادی ہنزہ میں شسپر گلیشیئر سرکنے کا عمل شروع ہوا تھا، جس کے بعد جی بی ڈی ایم اے نے گلیشیئر کی ممکنہ زد میں آنے والی آبادی کو محفوظ مقامات پر منتقل کیا تھا۔

آبادی کو گلیشیئر اور سیلاب سے بچانے کے لیے حفاظتی بند اور پل بنانے اور متبادل سڑک کی مرمت کا کام بھی کیا گیا تھا۔

خاص رپورٹ سے مزید