• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینظیر کی شہادت آمریت کیخلاف مزاحمت کی آئینہ دار ہے، شوکت علی

آج کا اخبار
یورپ سے
02 جولائی ، 2019
والسال (پ ر) آل جموں و کشمیر مسلم لیگ کے مرکزی رہنما راجہ شوکت علی خان نے پاکستان کے سابق وزیراعظم ذوالفقار علی بھٹو اور شہید رانی بینظیر بھٹو کی قومی ملی خدمات پر زبردست خراج عقیدت پیش کیا ہے۔ انہوں نے کہا کہ بے نظیر بھٹوکی شہادت آمریت کے خلاف مزاحمت کی آئینہ دار ہے۔ راجہ وینس اختر علی، ایڈووکیٹ قانون دان راجہ اسرار علی نے خراج عقیدت پیش کرتے ہوئے کہا کہ بھٹو، بینظیر بھٹو نے حق و سچ جمہوریت کی جو شمع جلائی ہے اس کو ہر قیمت پر زندہ رکھا جائے گا، جمہوریت سے پیار کرنے والی زندہ قومیں اپنے محسنوں کو کبھی فراموش نہیں کرتی۔باپ، بیٹی نےآخری دم تک آمریت کے خلاف عوامی حقوق جمہوریت کی بحالی کی جنگ لڑی، راجہ بلال علی، راجہ تیمور علی شوکت نے کہا کہ جب تک چاند، سورج رہے گا، بھٹو شہید رانی اورنصرت بھٹو کا نام رہے گا۔ ان کی خدمات تاریخ کا سنہرا باب ہے، ان کی زندگی اخلاقی اقتدار رواداری اور صاف ستہری سیاست پر مبنی تھی، ۔ راجہ مروت علی خان، راجہ ولید اصغر علی نے کہا، بینظیر بھٹو شہید کا مشن ہمارے لیے مشعل راہ ہے۔ انہوں نے صنم بھٹو، شمیم بھٹو، بلاول بھٹو سے دلی ہمدردی کا اظہار کیا ہے۔ آخر میں ان کے درجات بلندی کے یے دعاگو ہیں، اللہ تعالیٰ ان کو اپنے جوار رحمت میں جگہ دے۔
تازہ ترین