فرمان الہی
نماز کے اوقات
وفاقی کابینہ اجلاس میں سابق وزیراعظم نواز شریف اور سابق صدر آصف علی زرداری کے غیر ملکی دورے کے اخراجات پر بریفنگ دی گئی۔
وزیراعظم عمران خان کی زیر صدارت وفاقی کابینہ کے اجلاس میں اس بات پر بریفنگ دی گئی کہ نواز شریف اور آصف زرداری کے غیر ملکی دوروں پر کتنے اخراجات آئے؟
بریفنگ میں بتایا گیا کہ مسلم لیگ ن کے سربراہ اور سابق وزیراعظم نواز شریف کے غیر ملکی دوروں پر 1421اعشاریہ 5ملین روپے کے اخراجات آئے۔
بریفنگ میں بتایا گیا کہ پیپلز پارٹی کے دورے حکومت میں سابق صدر آصف زرداری کے غیر ملکی دوروں پر 183اعشاریہ 5ملین روپے خرچ ہوئے۔
ذرائع کے مطابق اجلاس سے خطاب میں وزیراعظم عمران خان نے کہا کہ سابق حکمران قومی خزانے سے پرتعیش دورے کرتے رہے۔
انہوں نے مزید کہا کہ ملک اور قوم کو ان غیر ملکی دوروں سے کیا حاصل ہوا؟ سابق ادوار میں خرچ ہوئے ایک ایک پیسے کا حساب لیا جائے گا۔
ذرائع کے مطابق وفاقی کابینہ کے اجلاس میں ایف آئی اے ری اسٹرکچرنگ پر تفصیلی بریفنگ دی گئی جبکہ سول سروس اصلاحات کمیٹی کی تجاویز پر بھی رپورٹ پیش کی گئی۔
