فرمان الہی
نماز کے اوقات
معروف اداکارہ مہوش حیات نے کراچی میں ہاکی میچ کھیلا اور قومی ہاکی چیمپئن شپ کے میچز دیکھنے کے لیے عبدالستار ہاکی اسٹیڈیم پہنچ گئیں۔
مہوش حیات نے موجودہ اور سابق کھلاڑیوں سے ملاقات کے دوران کہا کہ جتنی توجہ کرکٹ کو ملتی ہے، اتنی ہی ہاکی اور دیگر کھیلوں کو بھی دی جانی چاہیے۔
انہوں نے کہا کہ پاکستان کسی زمانے میں ہاکی کا چیمپئن ہوتا تھا، اب ویرانیاں دیکھ کر مایوسی ہوئی ہے۔
قومی ہاکی ٹیم کے سابق کپتان ریحان بٹ نے ملاقات کے دوران تجویز دی کہ اسٹارز اپنے شو میں کرکٹرز کی طرح ہاکی پلیئرز کو بھی مدعو کریں۔
میدان میں آکر مہوش حیات سے رہا نہ گیا اور خود بھی ہاکی کھیلنے کی کوشش کی، سابق انٹرنیشنل پلیئرحیدر حسین نے انہیں ٹپس دیں۔
اس موقع پرنوجوان ہاکی پلیئرز نے معروف فلم اسٹارکے ساتھ تصاویر بھی بنائیں۔
