آپ آف لائن ہیں
جنگ ای پیپر
بدھ 18؍محرم الحرام 1441ھ 18؍ستمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی: فلیٹ سے لاش برآمد، 3 ملزمان گرفتار، سرچ آپریشن

کراچی میں گلشن کے ایک فلیٹ سے لاش برآمد ہوئی ہے، نارتھ کراچی اور عزیز آباد سے پولیس نے 3 ملزمان کو گرفتار کر لیا، جبکہ ابراہیم حیدری میں سرچ آپریشن کیا گیا ہے۔

کراچی کے علاقے گلشن اقبال کے بلاک 11 میں واقع ایک اپارٹمنٹ کے فلیٹ سے ایک شخص کی لاش ملی ہے، جسے پوسٹ مارٹم کے لیے اسپتال منتقل کیا گیا ہے۔

نارتھ کراچی کے سیکٹر 5 سی 4 میں شہریوں نے ایک ڈاکو کو پکڑ لیا، جس پر انہوں نے تشدد کیا جس کے بعد اسے پولیس کے حوالے کر دیا گیا۔

عزیز آباد کے علاقے سے بھی پولیس نے 2 ملزمان کو گرفتار کر لیا ہے۔

ادھر ابراہیم حیدری کے علی اکبر شاہ گوٹھ میں پولیس نے سرچ آپریشن کیا اور گھر گھر تلاشی لی۔

پولیس کے مطابق سرچ آپریشن کے دوران کوئی گرفتاری عمل میں نہیں آئی ہے۔

قومی خبریں سے مزید