یوٹیلیٹی اسٹورز پر قیمتوں میں اضافے کا نوٹیفکیشن جاری

ملک بھر کے یوٹیلیٹی اسٹورز پر مختلف برانڈکے دودھ، چائے کی پتی اور مصالحہ جات کی قیمتوں میں اضافے کا نوٹیفکیشن جاری کر دیا گیا، نئی قیمتوں کا اطلاق فوری طور پر نافذ العمل ہوگا۔

یوٹیلیٹی اسٹورز پر جن اشیاء کی قیمتوں میں اضافہ ہوا ہے ان میں ایک لیٹر دودھ کے ڈبے کی قیمت میں 2 روپے ،475 گرام چائے کی پتی کی قیمت میں 7 روپے ،100 گرام ہلدی کی قیمت میں 3 روپے اضافہ ہو ا ہے۔

اسی طرح مختلف مصالحہ جات کی قیمتوں میں بھی اضافہ کیا گیا ہے ، 50 گرام دارچینی 30 روپے 200 گرام سفید زیرا 20روپے اور دھنیا پاؤڈر پر 13 روپے اضافہ ہوا ہے۔