فرمان الہی
نماز کے اوقات
نارووال،ظفروال(نمائندہ جنگ،مانیٹرنگ سیل، نامہ نگار) ناروووال کی تحصیل ظفروال میں صبح کے وقت موضع مراڑہ شریف میں بجری سے بھرا ڈمپر اسکول رکشہ پر الٹ گیا جس سے 7 بچوں سمیت 8 افراد جاں بحق ہوگئے۔جاں بحق ہونیوالوں میں 3 طالبات، 5 طلبہ اور رکشہ ڈرائیور شامل ہیں،ریسکیو ترجمان کے مطابق مرنیوالوں میں 23سالہ رکشہ ڈرائیور محدس، 9سالہ یاسین،6سالہ احمد،14سالہ نشاء،17سالہ کنزہ، 6سالہ فرحان اور احمد شامل ہیں۔زخمی بچوں کے نام 14سالہ سویرا،13سالہ علیزہ، 13سالہ اقصیٰ،14سالہ جویریہ اور 7سالہ عبد الحنان ہیں۔
حادثہ کی اطلاع ملتے ہی ریسکیو اور امدادی ٹیموں نے پہنچ کر ڈمپر کے نیچے دبی لاشیں دیہی مرکز صحت ظفروال اور نجی اسپتال منتقل کر دی جبکہ شدید زخمیوں کو فوری طور پر ڈسٹرکٹ ہیڈ کوارٹر ہسپتال نارووال منتقل کر دیا گیا۔وزیر اعلیٰ پنجاب سردار عثمان بزدار نے افسوسناک حادثے میں معصوم جانوں کے ضیاع پر گہرے رنج و غم کا اظہار کرتے ہوئے واقعے پر انتظامیہ سے رپورٹ طلب کر لی ہے۔
