آپ آف لائن ہیں
جنگ ای پیپر
ہفتہ27؍جمادی الثانی 1441ھ 22؍ فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

حُسین ابنِ علی کی داستاں آہ

ہم اُن کے غم کریں کیسے بیاں آہ

نہیں جو ہر کس و ناکس کے بس میں

اُنھیں درپیش تھا وہ امتحاں آہ

ہمیں ہو کربلا کا ذکر مقصود

تو بس فریاد کرتی ہے زباں آہ

ہُوا دسویں محّرم کو زمیں پر

غضب کا ظلم زیرِ آسماں آہ

پیمبرؐ کے نواسے اور پیاسے!

وہاں گو ایک دریا تھا رواں آہ

کَٹے عبّاس کے بازو، چھدی مَشک

سکینہ کے لئے پانی کہاں آہ

بچے اصغر نہ اکبر ظالموں سے

گئے کیا نونہال و نوجواں آہ

نہ کیوں عون و محمد کے لئے روئیں

کہ زینب بھی تھیں آخر ایک ماں آہ

جو ہیں پروردۂ خاتونِ جنت

اُٹھائیں دُکھ پہ دُکھ وہ بی بیاں آہ

شعورؔ اُف قصّۂ شامِ غریباں

وہ خیمے، آگ اور اٹھتا دھواں آہ