آپ آف لائن ہیں
جنگ ای پیپر
اتوار 22؍محرم الحرام 1441ھ 22؍ستمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستانی انجینئرز نے معذور بچوں کو سپر ہیرو کیسے بنایا؟


پاکستانی انجینئرز اویس حسن قریشی اور انس نیاز نے ایسے مصنوعی روبوٹک ہاتھ تیار کئے ہیں جو ہاتھوں سے معذور بچوں کو سپر ہیرو بنا دیں گے۔

اویس اور انس کے تیار کردہ مصنوعی ہاتھوں کو دماغ کے ذریعے کنٹرول کیا جاسکے گا۔

دونوں انجینئرز نے بائیونکس کی شروعات 3 سال قبل اپنی یونیورسٹی کے پروجیکٹ کے طور پر کی۔ انہوں نے میر بیان بلوچ کے لیے مصنوعی ہاتھ بنایا جو مارول کامکس کے مشہور کردار آئرن مین پر مبنی تھا۔

انس نے تیار کردہ مصنوعی ہاتھ کے بارے میں بتایا کہ ہمارے جسم میں دماض مستقل سگنلز بھیج رہا ہوتا ہے تو اس مصنوعی ہاتھ میں وہ اس جگہ سینسرز لگاتے ہیں جہاں دماغ سے بھیجے گئے سگنلز کی مدد سے ہاتھ حرکت کرتا ہے ۔

 اویس کا اس بارے میں کہنا تھا کہ اُن کا پہلا مقصد یہ تھا کہ وہ بائیو روبوٹکس کی دنیا میں پاکستان کا نام روشن کریں ۔انہوں نے بتایا کہ اس پروجیکٹ میں مزید کام جاری ہے۔

انس اور اویس کے اس پروجیکٹ سے اب تک 30 معذور افراد مستفید ہوچکے ہیں جن میں بچے بڑے سب شامل ہیں۔

نوجوان انجینئرز نے 2ہزار ڈالر کی مدد سے یہ مصنوعی ہاتھ تیار کئے جس کی پاکستانی رقم 3 لاکھ 12 ہزار سات سو بنتی ہے۔

قومی خبریں سے مزید