آپ آف لائن ہیں
بدھ16؍ذیقعد 1441ھ 8؍ جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

خصوصی اقتصادی زونز پر وزیراعظم کی زیر صدارت اہم اجلاس

خصوصی اقتصادی زونز پر وزیراعظم کی زیر صدارت اہم اجلاس


وزیراعظم عمران خان نے پنجاب اور خیبرپختونخوا میں خصوصی اقتصادی زونز کے بارے میں پیشرفت کے لیے جائزہ اجلاس کی صدارت کی۔

وزیراعظم آفس کے اعلامیے کے مطابق اجلاس کے دوران وزیراعظم نے اقتصادی زونز کے قیام کا عمل ترجیحی بنیادوں پر مکمل کرنے کی ہدایت کی۔

انہوں نے مزید کہا کہ اقتصادی زونز میں معاشی سرگرمیاں تیز ہونے سے معیشت مضبوط ہوگی۔

اجلاس میں وزیراعظم کو بتایا گیا کہ علامہ اقبال انڈسٹریل سٹی فیصل آباد منصوبے پر کام دسمبر تک مکمل کر لیا جائے گا۔

بریفننگ میں بتایا گیا کہ قائد اعظم انڈسٹریل پارک اور بہاولپور انڈسٹریل اسٹیٹ مارچ 2020ء تک مکمل ہوگی، رشکئی اقتصادی زون کی تکمیل کا کام اگلے سال جون تک مکمل کر لیا جائے گا۔

اجلاس میں وزیراعظم کو چھوٹے اور درمیانے درجے کے کاروبار کے فروغ کے لیے کاٹیج بزنس اینڈ ریذیڈنٹ پارکس کے قیام کی تجویز پیش کی گئی۔

وزیراعظم کو بتایا گیا کہ 10اضلاع میں چھوٹے اور درمیانے درجے کے کاروبار کے لیے کاٹیج بزنس پارک قائم ہوں گے۔

وزیراعظم کو پنجاب میں مختلف شعبوں کے لیے ہیلتھ سٹی کے قیام پر بھی بریفنگ دی گئی۔

وزیراعظم نے ہدایت کی کہ اسپتالوں میں زیر استعمال درآمد شدہ آلات، مشینری پر ڈیوٹی کی چھوٹ کے بارے رپورٹ دی جائے۔

وزیراعظم نے کہا کہ کاروباری برادری کے لیے آسانیاں پیدا کرنا حکومت کی اولین ترجیح ہے، اقتصادی زونز کی تکمیل سے کاروباری برادری کے لیے کاروبار میں سہولت پیدا ہوگی۔

تجارتی خبریں سے مزید