فرمان الہی
نماز کے اوقات
اسلام آباد (نمائندہ جنگ) جسٹس جمال خان مندوخیل کو بلوچستان ہائی کورٹ کا چیف جسٹس مقررکر دیا گیا ہے۔ صدر مملکت کی جانب سے جسٹس جمال خان مندوخیل کی بطور چیف جسٹس بلوچستان ہائی کورٹ تعیناتی کی منظوری کے بعد وزارت قانون و انصاف نے نوٹیفکیشن جاری کر دیا ہے۔ جسٹس جمال خان مندوخیل کی بطور چیف جسٹس بلوچستان ہائی کورٹ تعیناتی کا اطلاق 5 اکتوبر 2019 سے ہو گا۔ جسٹس جمال خان مندوخیل بلوچستان ہائی کورٹ میں جج کے فرائض سرانجام دے رہے ہیں۔ دریں اثناءجسٹس ڈاکٹر فدا محمد خان کو وفاقی شریعت کورٹ میں عالم جج مقررکر دیا گیا ہے۔ صدر مملکت کی جانب سے منظوری کے بعد وزارت قانون نے ان کی تعیناتی کا نوٹیفکیشن جاری کر دیا ہے۔ جسٹس ڈاکٹر فدا محمد خان کی بطور عالم جج وفاقی شریعت کورٹ تعیناتی کا اطلاق حلف لینے کے روز سے ہو گا۔
