آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاک بحریہ کا مبارک ویلیج میں مفت آئی کیمپ

پاک بحریہ کے زیر اہتمام آئی سائٹ ٹرسٹ کے تعاون سے مبارک ویلیج میں مفت آئی کیمپ کا انعقاد کیاگیا۔ آئی کیمپ کے انعقاد کا مقصد بنیادی سہولیات سے محروم مبارک ویلیج کے عوام کو امراضِ چشم سے متعلق مفت مشورے اور طبی سہولتوں کی فراہمی تھا۔

ایک روزہ کیمپ پاک بحریہ کی سرپرستی میں منعقد کیا گیا، جس میں امراض چشم ، آنکھوں کی حفاظت اور بصری صحت کے لئے متوازن غذاءکی اہمیت کے بارے میں آگہی اور آنکھوں کے امراض میں مبتلا افراد کو مفت طبی سہولتیں فراہم کی گئیں۔

کیمپ میں امرض چشم میں مبتلا مریضوں کا بڑی تعداد میں معائنہ کیا گیا اور اُنہیں مُفت ادویات اور چشمے فراہم کئے گئے۔ فری آئی کیمپ میں آنے والے ایسے مریض جو موتیا اور آنکھوں کے دیگر پیچیدہ امراض میں مبتلا تھے انہیں مزید طبی علاج اور مفت جراحی پاک بحریہ کے اسپتالوں میں فراہم کی جائیگی۔

پاک بحریہ کی جانب سے ساحلی علاقوں کے مکینوں کی سہولت کے لیے باقاعدگی سے مفت طبی کیمپس کا انعقاد کیا جاتا ہے۔

ان کیمپس کے انعقاد کا مقصد ساحلی علاقوں کے محروم عوام کو معیاری طبی سہولیات فراہم کرنا ہے، مبارک ویلیج میں مفت آئی کیمپ کا انعقاد بھی پاک بحریہ کی انہی کاوشوں کا تسلسل ہے۔

صحت سے مزید