فوڈاتھارٹی نے ہزارہ ٹاؤن میںمختلف فاسٹ فوڈ پوائنٹس اور ڈیپارٹمنٹل اسٹور ز کا معائنہ کیا

کوئٹہ(خ ن)بلوچستان فوڈ اتھارٹی کی معائنہ ٹیم نے جمعرات کو کوئٹہ شہر کے علاقے ہزارہ ٹاؤن میں مختلف فاسٹ فوڈ پوائنٹس اور ڈیپارٹمنٹل اسٹور ز کا معائنہ کیا اور اشیاء خوردونوش کے معیار اور صفائی کے انتظامات کا جائزہ لیا۔بی ایف اے آپریشن ٹیم نے معائنے کے دوران سپر صداقت ڈیپارٹمنٹل سٹور،سیون ڈیز ڈیپارٹمنٹل سٹور،برگر پوائنٹ،دل سے پیزا شاپ اور وی آئی پی ریسٹورنٹ،سمیت متعدد کھانے پینے کے مراکز کے مالکان و عملے کو صفائی کے انتظامات بہتر بنانے اور عوام کو محفوظ و معیاری خوراک و غذائی اشیاء کی فروخت یقینی بنانے کی ہدایت کی اور اس حوالے سے انہیں خصوصی ہدایت نامے بھی جاری کیے گئے۔علاوہ ازیں فوڈ اتھارٹی حکام نے مذکورہ کارروائی کے دوران برآمد ہونے والی زائدالمیعاداشیاء کو موقع پر تلف کر دیا۔