فرمان الہی
نماز کے اوقات
اومان ہاکی ٹیم 4 میچوں کی سیریز کھیلنے کے لیے لاہور پہنچ گئی ہے ، پاکستان ہاکی فیڈریشن (پی ایچ ایف) کے نمائندوں نے مہمان ٹیم کا استقبال کیا۔
اومان ہاکی ٹیم کو سخت سیکیورٹی کے ساتھ ہوٹل پہنچایا گیا ، مہمان ٹیم کل پہلا میچ نیشنل ہاکی اسٹیڈیم لاہور میں کھیلے گی۔
اومان ہاکی ٹیم لاہور میں قیام کے دوران پاکستان ہاکی ٹیم کے ساتھ 4 میچوں کی سیریز کھیلے گی ۔
قومی ہاکی ٹیم کے ممکنہ کھلاڑیوں کا ٹریننگ کیمپ ان دنوں نیشنل ہاکی اسٹیڈیم لاہور میں جاری ہے ، مہمان ٹیم کے کھلاڑیوں کا کہنا ہے کہ وہ تین برس پہلے بھی پاکستان آچکے ہیں انہیں لاہور آکر اچھا لگتا ہے۔
ٹیم مینجمنٹ کا کہنا ہے کہ دورے کا مقصد نوجوان کھلاڑیوں کو ایکسپوژر دینا ہے تاکہ انہیں سیریز میں سیکھنے کا بھرپور موقع ملے ۔
