فرمان الہی
نماز کے اوقات
کراچی (عبدالماجد بھٹی/ اسٹاف رپورٹر) پاکستان سپر لیگ کی فرنچائز ملتان سلطانزپی ایس ایل فائیو کے لئے جنوبی افریقی یوہان بوتھا کی جگہ سابق انگلش ہیڈ کوچ اینڈریو فلاور کی خدمات حاصل کرنا چاہتی ہے۔شعیب ملک کا بھی ٹیم میں جگہ برقرار رکھنا مشکل ہے۔ ذرائع کا کہنا ہے کہ فریقین میں مذاکرات حتمی مرحلے میں ہیں۔ اینڈی فلاور ایک سال پشاور زلمی کے بیٹنگ کوچ رہ چکے ہیں۔ یوہان بوتھا کی کوچنگ میں ملتان کی ٹیم نے چھ ٹیموں کے ٹورنامنٹ میں پانچویں پوزیشن حاصل کی تھی۔ کپتان شعیب ملک کے ساتھ ان کے تعلقات اچھے نہیں تھے ۔ بوتھا نے پی ایس ایل فور کے اختتام پر اپنی رپورٹ میں شعیب ملک پر من مانیاں کرنے اور اپنی پسند کے کھلاڑیوں کو کھلانے کا الزام لگایا تھا۔ ذرائع کا کہنا ہے کہ ملتان کی انتظامیہ ٹریڈ کے ذریعے شعیب ملک کو کسی اور ٹیم کو دے دے گی۔ ملتان کے لئے قیادت بھی سب سے بڑا مسئلہ ہوگی۔
