آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ٹیکس کی ادائیگی ہر محب وطن کا ریاستی فرض ہے، ثروت اعجاز قادری

کراچی ( اسٹاف ر پو ر ٹر ) سنی تحریک کے سربراہ محمد ثروت اعجاز قادری نے کہا ہے کہ ٹیکس کی ادائیگی کے بغیر ریاست کا نظام چلنا مشکل ہوتا ہے،ہر محب وطن کا ریاستی فرض ہے کہ وہ ٹیکس کی ادائیگی کیلئے مثبت کردار ادا کرئے،حکومت تاجروں کے مسائل حل کرنے کیلئے سنجیدگی کا مظاہرہ کرئے،ٹیکس پر تاجروں کے تحفظات دور کئے جائیں،معاشی عدم استحکام کسی طور بھی ملک کے مفاد میں نہیں ،ان خیالات کا اظہار انہوں نے قادری ہاؤس پر ملاقات کے لئے آنے والے تاجروں کے وفد سے گفتگو کرتے ہوئے کیا، ثروت اعجاز قادری نے کہا کہ ملک کی ترقی وخوشحالی اور معاشی استحکام کے لئے تمام اکائیوں کو ایک ہوکر کام کرنا ہوگا،انہوں نے کہا کہ مہنگائی کا جن بے قابو اور من مانی کررہا ہے اور حکومت صرف دعوئے کررہی ہے جس سے مایوسیاں جنم اور غربت میں اضافہ ہورہا ہے،حکومت کو اپنی ترجیحات عوام دوست بناناہونگی،عوامی مسائل کے حل کے بغیر ترقی ممکن نہیں ہے۔
شہر قائد/ شہر کی آواز سے مزید