آپ آف لائن ہیں
جنگ ای پیپر
پیر 20؍ربیع الاوّل 1441ھ 18؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

چچا کے تشدد کا شکار بچوں کیلئے وزیرِ اعلیٰ پنجاب کے تحائف

پنجاب کے ضلع اوکاڑہ میں چچا کے تشدد کا شکار بچوں کے لیے وزیرِ اعلیٰ پنجاب سردار عثمان بزدار نے تحائف بھجوائے ہیں۔

اوکاڑہ میں ماں سے ملنے جانے والے بچوں پر چچا کی جانب سے وحشیانہ تشدد کرنے کے واقعے کا وزیرِ اعلیٰ پنجاب سردار عثمان بزدار نے نوٹس لے لیا جس کے بعد انتظامیہ حرکت میں آگئی اور اوکاڑہ پولیس نے بچوں پر تشدد کرنے والے شخص کو گرفتار کر لیا۔

اوکاڑہ: ماں سے ملنے والے 4 بچوں پر چچا کا وحشیانہ تشدد

پنجاب کے ضلع اوکاڑہ میں ماں سے ملنے کی سزا دیتے...

وزیر اعلیٰ پنجاب کی ہدایت پر اسسٹنٹ کمشنر اوکاڑہ نے گھر جا کر متاثرہ بچوں سے ملاقات کی اور وزیر اعلیٰ عثمان بزدار کی جانب سے انہیں 20 ہزار روپے اور نئے کپڑے دیئے۔

واضح رہے کہ سسرال والوں سے خفا ہو کر میکے جا کر بیٹھ جانے والی خاتون سے ملنے کے لیے جانے والے کمسن بچوں کو ان کے چچا نے الٹا لٹکا کر وحشیانہ تشدد کا نشانہ بنایا۔

چچا کے تشدد کا شکار بچوں کیلئے وزیرِ اعلیٰ پنجاب کے تحائف
بچوں پر وحشیانہ تشدد کرنے والا ظالم چچا پولیس حراست میں

سفاک ملزم کے تشدد سے بچے تڑپتے رہے، زار و قطار روتے رہے، تاہم ظالم چچا کے کان پر جوں تک نہ رینگی اور وہ ان پر وحشیانہ طریقے سے چپلیں برساتا رہا۔

یہ بھی پڑھیئے: حمزہ شہباز کی پیشی، نمائندہ ’جیو‘ پر پولیس کا تشدد

واقعے کی ویڈیو سوشل میڈیا پر وائرل ہونے کے بعد وزیرِ اعلیٰ پنجاب نے نوٹس لے لیا جس پر ضلعی انتظامیہ حرکت میں آگئی اور ملزم کو فوری گرفتار کر لیا گیا۔

اسسٹنٹ کمشنر اوکاڑہ کی زیرِ نگرانی اس افسوسناک واقعے کی تحقیقات کی جا رہی ہیں۔

قومی خبریں سے مزید