’مولانا کا دھرنا ابھی گرے لسٹ میں ہے‘

19 اکتوبر ، 2019

وزیر ریلوے شیخ رشید کا کہنا ہے کہ مولانا فضل الرحمٰن کا دھرنا ابھی گرے لسٹ میں ہے۔

لاہور میں نیوز کانفرنس کرتے ہوئے وزیر ریلوے شیخ رشید نے کہا کہ مذاکرات کے دروازے بند کرنا ملکی جمہوریت پر شب خون مارنے کے مترادف ہے، اگر جمہوریت پر شب خون مارا گیا تو ایک ایک سال سے پڑے کیسوں کے فیصلے جھٹ منگنی اور پٹ بیاہ کی طرح ہوں گے۔

یہ بھی پڑھیے: ’میڈیا کشمیر کی بجائے مولانا کی خبریں دے رہا ہے‘

شیخ رشید نے کہا کہ دھرنا دھندلا ہوا ہے، فضل الرحمان کو فیس سیونگ دی جاسکتی ہے۔

انہوں نے کہا کہ سیاست میں ٹائمنگ کی بہت اہمیت ہے، جب بھی علما نے تحریک چلائی ہے ملک میں مارشل لاء لگا ہے۔