فرمان الہی
نماز کے اوقات
مسلم لیگ ن کے قائد و سابق وزیر اعظم نواز شریف کی اچانک طبیعت خراب ہوگئی، جس کے بعد انہیں نیب سے سروسز اسپتال لاہور منتقل کردیا گیا ہے۔
نواز شریف کے ذاتی معالج ڈاکٹر عدنان نے انہیں فوری طور پر اسپتال منتقل کرنے کی سفارش کی تھی۔
نواز شریف کے ذاتی معالج ڈاکٹر عدنان کا سابق وزیر اعظم سے ملاقات کے بعد کہنا تھا کہ نواز شریف کے پلیٹیلیٹ کاؤنٹ 16 ہزار رہ گئے ہیں۔
دوسری جانب نواز شریف کی طبیعت کی خرابی کے باعث ان کے بھائی شہباز شریف نے بھی احتجاج کیا ہے۔
یہ بھی پڑھیے: اے سی نہ ہونے سے نواز شریف کے گردے فیل ہوسکتے ہیں
شہباز شریف نے کہا کہ نوازشریف کی جان سے کھیلا جارہا ہے، خدانخواستہ اگر نواز شریف کو کچھ ہوا تو عمران نیازی کو قاتل ٹھہرائیں گے۔
انہو ں نے کہا ہے کہ نواز شریف کی سرکاری طبی رپورٹس میں سنگین خطرات کی واضح نشاندہی کی گئی ہے، انہیں اسپتال منتقل نہ کرنا حکومتی بے حسی اور بد ترین سیاسی انتقام پر مبنی پالیسی ہے۔
میاں نواز شریف کی طبیعت کی خرابی کا پتا چلتے ہی کارکنوں کی بڑی تعداد نیب آفس اور سروسز اسپتال کے باہر جمع ہو گئی۔
