• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حافظ حمداللہ کی شہریت منسوخ ،سیکریٹری داخلہ بھی فیصلے پر ہنس پڑے

اسلام آباد( طاہر خلیل)نیشنل ڈیٹابیس رجسٹریشن اتھارٹی (نادرا) کی جانب سے جے یو آئی ف کے اہم رہنما اور سابق سینیٹر حافظ حمد اللّہ کی پاکستانی شہریت منسوخ ہونے کے فیصلے پر سیکریٹری داخلہ بھی ہنس پڑے۔

گزشتہ روز نادرا نے حافظ حمد اللّہ کی پاکستانی شہریت منسوخ کر دی تھی جب کہ پیمرا نے ٹی وی چینلز کو ہدایت کی تھی کہ حافظ حمداللّہ کو ٹاک شوز میں نہ بلایا جائے۔اب حافظ حمداللّہ نے اسپیشل سیکریٹری داخلہ سے شناختی کارڈ بحال کرنے کی اپیل کر دی ہے۔

حافظ حمد اللّہ کا کہنا ہے کہ میں نے اسپیشل سیکرٹری داخلہ میاں وحیدالدین سے ملاقات کرکے انہیں معاملےکا بتایا جس پر وہ بھی ہنس رہے تھے کہ اگر کسی شخص کی شہریت منسوخ ہو جائے تو اس کے پاس قانونی اختیار ہے کہ وہ شہریت کی بحالی کے لیے سیکریٹری داخلہ کو خط لکھ سکتا ہے اور سیکریٹری داخلہ کے پاس اختیار ہے کہ وہ درخواست کا جائزہ لیتے ہوئے درخواست گزار کی شہریت بحال کر دے۔

اہم خبریں سے مزید