ایران آج یورینئم کی افزودگی شروع کر دیگا

ایران جوہری معاہدے کی اہم شق سے پاسداری ختم کرتے ہوئے آج سے فردا جوہری پلانٹ میں یورینئم افزودگی شروع کر رہا ہے۔

ایران کے صدر حسن روحانی نے گزشتہ روز اعلان کیا تھا کہ فردا جوہری پلانٹ میں سینٹری فیوجیز میں یورینیئم گیس بھرنے کا عمل آج سے شروع کیا جائے گا۔

ایران کا یورنیم افزودگی میں اضافے کا اعلان ویانا معاہدے کے منافی ہے، فرانس

پیرس(رضا چوہدری/نمائندہ جنگ ) فرانس نے ایران سے...

ان کا یہ بھی کہنا تھا کہ یہ کام اقوامِ متحدہ کے عالمی جوہری ادارے کی نگرانی میں انجام دیا جائے گا۔

ایرانی فردا پلانٹ میں تمام جوہری مواد کی افزودگی پر جوہری معاہدے کے تحت پابندی عائد تھی۔

یہ بھی پڑھیئے: ایران کے گرد گھیرا تنگ، امریکی اضافی پابندیاں عائد

دوسری جانب اس حوالے سے فرانس نے ایران سے مطالبہ کیا ہے کہ وہ اپنے حالیہ فیصلوں کو 2015ء کے جوہری معاہدے میں تبدیل کرے، جس پر اب کام جاری ہے۔

ترجمان فرانسیسی وزارتِ خارجہ کا بریفنگ میں صحافیوں سے کہنا تھا کہ ایران کی جانب سے اپنی افزودگی کی صلاحیت میں اضافے کا 5 نومبر کا اعلان ویانا معاہدے کے منافی ہے۔