فرمان الہی
نماز کے اوقات
امیر جماعت اسلامی پاکستان سینیٹر سراج الحق نے جمعیت علماء اسلام (ف) کے سربراہ مولانا فضل الرحمٰن کو پرامن و منظم دھرنے پر مبارک باد دی ہے۔
ترجمان جماعت اسلامی کے مطابق سراج الحق نے جے یو آئی سربراہ سے ٹیلیفونک گفتگو کی اور ان کی خیرت دریافت کی۔
انہوں نے کہا کہ آئندہ الیکشن سے قبل ایسے انتخابات کا معاہدہ ہونا ضروری ہے جس پر کوئی انگلی نہ اٹھاسکے۔
امیر جماعت اسلامی نے مزید کہا کہ ہر الیکشن کے بعد دھاندلی کے چشم کشا واقعات تمام ثبوتوں کے ساتھ سامنے آجاتے ہیں۔
ان کا کہنا تھا کہ کسی بھی حکومت نے ایسے واقعات کے تدارک کے لیے کچھ نہیں کیا، انتخابی دھاندلی اور مداخلت کے ذریعے برسر اقتدار آنے والی حکومت عوامی نہیں ہوتی۔
سراج الحق نے یہ بھی کہا کہ انتخابات کو دولت کا کھیل بنا دیا گیا ہے، تبدیلی کا نعرہ لگانے والے بھی کوئی تبدیلی نہیں لاسکے۔
انہوں نے کہا کہ عوام کے پاس اب جماعت اسلامی کے سوا کوئی آپشن نہیں بچا۔
