آپ آف لائن ہیں
جنگ ای پیپر
اتوار17؍ ربیع الثانی 1441ھ 15؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

محفل موسیقی میں گانے کی بار بار فرمائش پر فائرنگ ، میزبان ہلاک

بنوں میں محفل موسیقی کے دوران ایک ہی گانے کی بار بار فرمائش کی وجہ سے تلخ کلامی ہوگئی اور فائرنگ کے نتیجے میں میزبان جاں بحق اور دو افراد زخمی ہوگئے۔

پولیس کے مطابق عسیکی شیخان میں گزشتہ رات 10 دوستوں کی جانب سے عمر گل نامی شخص کے حجرے میں محفل موسیقی کا پروگرام منعقد کیا گیا۔

موسیقی کے پروگرام میں ایک شخص صفیان کی جانب سے بار بار ایک ہی گانے کی فرمائش کی گئی جس پر وہاں موجود افراد کی اس سے تلخ کلامی ہوگئی اور بات اتنی بڑھی کہ صفیان نے اسلحہ نکال لیا۔

اس موقع پر ملزم صفیان نے وہاں موجود دیگر افراد پر فائرنگ کر دی جس سے گھر کا مالک میزبان عمر گل جاں بحق جبکہ دو دوست کفیل اور رضوان زخمی ہوگئے۔

واقعے کے فوری بعد ملزم صفیان موقع واردات سے فرار ہونے میں کامیاب ہوگیا جس کی تلاش کا کام جاری ہے۔

انٹرٹینمنٹ سے مزید