آپ آف لائن ہیں
جنگ ای پیپر
جمعہ8؍ ربیع الثانی 1441ھ 6؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

انگلینڈ کیخلاف سیریز کے لیے ویمن کرکٹ ٹیم کا تربیتی کیمپ

انگلینڈ کیخلاف سیریز کی تیاریوں کے لیے پاکستان ویمن کرکٹ ٹیم کا تربیتی کیمپ کل سے کراچی میں شروع ہوگا۔ پلیئرز دو سیشن میں پریکٹس کریں گی، ثناء میر کے متبادل کے طور پر فی الحال کسی پلیئر کو کیمپ میں نہیں بلایا گیا۔

پاکستان اور انگلینڈ کی خواتین ٹیمیں آئندہ ماہ ملائشیا میں تین ون ڈے اور تین ٹی ٹوئنٹی کھیلیں گی۔ سیریز کی تیاریوں کے لیے پاکستان ویمن ٹیم کا تربیتی کیمپ جمعرات سے کراچی میں شروع ہوگا۔

کیمپ کے لیے پی سی بی نے پہلے 21 پلیئرز کا اعلان کیا تھا لیکن ثناء میر کرکٹ سے بریک لینے کے لیے سیریز سے دستبردار ہوگئیں۔ ان کے متبادل کا فی الحال کوئی فیصلہ نہیں کیا گیا، اگر ضرورت ہوئی تو کوچ اقبال امام اور چیف سلیکٹر عروج ممتاز کی مشاورت سے انڈر 18 ٹورنامنٹ سے کسی پلیئر کو کیمپ میں بلایا جاسکتا ہے۔

ذرائع کا کہنا ہے کہ ارم جاوید اور سدرا نواز ایک روز تاخیر سے کیمپ میں رپورٹ کریں گی، دونوں پلیئرز نے فیملی مصروفیات کی وجہ سے ایک دن کا استثنیٰ حاصل کیا ہے۔ ندا ڈار بھی کیمپ میں شرکت نہیں کریں گی تاہم سلیکشن کے لیے دستیاب ہوں گی۔

جمعرات کو کیمپ کے پہلے روز خواتین کرکٹرز کوچ اقبال امام کی نگرانی میں دو سیشنز میں پریکٹس کریں گی، پہلے صبح ساڑھے نو بجے سے گیارہ بجے کے درمیان فیلڈنگ سیشن ہوگا جبکہ شام تین سے پانچ بجے کے درمیان نیٹ سیشن منعقد ہوگا۔

جمعہ کو ویمن ٹیم پریکٹس ون دے میچ کھیلیں گی جبکہ ہفتے کو دو ٹی ٹوینٹی میچز کھیلے جائیں گے۔ انگلینڈ کیخلاف سیریز کے لیے پاکستان کی حتمی ٹیم کا اعلان 27 نومبر کو ہوگا۔

کھیلوں کی خبریں سے مزید