آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

انصاف کی جلد فراہمی یقینی بنانی چاہیے، چیف جسٹس لاہور ہائیکورٹ

چیف جسٹس لاہور ہائیکورٹ سردار محمد شمیم خان کا کہنا ہے کہ انسدادِ دہشت گردی کی عدالتوں کی طرح دوسری عدالتوں کوبھی انصاف کی جلد فراہمی یقینی بنانی چاہیے۔

پنجاب جوڈیشل اکیڈمی لاہور میں انسدادِ دہشت گردی عدالتوں اور چائلڈ جسٹس کے موضوعات پر تین روزہ 2 ورکشاپس کا آغاز ہوا جس کے افتتاحی سیشن میں چیف جسٹس لاہور ہائی کورٹ سردار محمد شمیم خان نےبھی شرکت کی۔

اس موقع پر چیف جسٹس لاہور ہائیکورٹ نے اپنے خطاب میں کہا کہ انسدادِ دہشت گردی کی عدالتوں کو بعض مقدمات میں ایک ہی دن میں چالان پیش کرکے اسی دن ٹرائل مکمل کرنا ہوتا ہے، دوسری عدالتوں کوبھی انصاف کی جلد فراہمی یقینی بنانی چاہیے۔

چائلڈ جسٹس کے حوالے سے بات کرتے ہوئےفاضل چیف جسٹس نے کہا کہ جووینائل جسٹس ایکٹ 2000ء میں ترمیم کرکےچائلڈ ایکٹ 2018 ءلایا گیا،تاہم اس میں مزید بہتری کی گنجائش موجود ہے جو وقت کے ساتھ ساتھ لائی جائے گی۔

قومی خبریں سے مزید