فرمان الہی
نماز کے اوقات
کراچی میں نوجوان نبیل کی ہلاکت میں ملوث 3 پولیس اہلکاروں کو 4 روزہ ریمانڈ پر پولیس کے حوالے کر دیا گیا۔
نوجوان نبیل کی ہلاکت میں ملوث تینوں گرفتار پولیس اہلکاروں کو کراچی کی انسدادِ دہشت گردی کی منتظم عدالت کے روبرو پیش کیا گیا۔
عدالت نے نوجوان نبیل کے قتل کے کیس میں گرفتار 3 پولیس اہلکاروں کو 4 روزہ ریمانڈ پر پولیس کے حوالے کر دیا جن میں سب انسپکٹر عبدالغفار، ہیڈ کانسٹیبل آفتاب اور کانسٹیبل محمد علی شامل ہیں۔
ملزمان کے خلاف آرٹلری میدان تھانے میں مقدمہ درج ہے، جس میں قتل، اقدامِ قتل اور دہشت گردی کی دفعات شامل ہیں۔
پولیس اہلکاروں کے خلاف مقتول کے دوست امام رضا کی مدعیت میں مقدمہ درج کیا گیا ہے۔
پولیس اہلکاروں نے کینٹ اسٹیشن کے قریب مقتول کی گاڑی پر فائرنگ کی تھی جس کے نتیجے میں نبیل جاں بحق اور اس کا دوست امام رضا زخمی ہو گیا تھا۔
