فرمان الہی
نماز کے اوقات
وفاقی حکومت نے سپریم کورٹ کے احکامات نظر انداز کرتے ہوئے جے آئی ٹی کے سربراہ واجد ضیا کو فیڈرل انویسٹی گیشن ایجنسی (ایف آئی اے) کا نیا ڈائریکٹر جنرل تعینات کردیا ہے۔
پی ٹی آئی حکومت نے گریڈ 21 کے افسر اور سابق وزیراعظم نواز شریف کے خلاف تحقیقات کرنے والی ٹیم کے سربراہ واجد ضیا کو نیا ڈی جی ایف آئی اے مقرر کردیا ہے۔
واجد ضیا اس سے قبل انسپکٹر جنرل (آئی جی) ریلوے پولیس کے طور پر خدمات انجام دے رہے تھے۔
واجد ضیا کو بشیر میمن کی جگہ تعینات کیا گیا ہے، سپریم کورٹ نے موجود ڈی جی ایف آئی اے بشیر میمن کو اصغر خان کیس میں تحقیقات مکمل ہونے تک عہدے سے ہٹانے سے روک رکھا ہے۔
وفاقی حکومت نے سپریم کورٹ کے حکم کے باوجود بشیر میمن کو ڈی جی ایف آئی کے عہدے سے ہٹادیا ہے۔
گزشتہ دنوں وفاقی وزارت داخلہ نےایف آئی اے کے ڈائریکٹر جنرل بشیر میمن کو جبری رخصت پر بھیج دیا تھا اور ان کی جگہ ڈاکٹر مجیب الرحمان خان کو قائم مقام ڈی جی کا چارج دیا گیا تھا۔
