آپ آف لائن ہیں
جنگ ای پیپر
اتوار17؍ ربیع الثانی 1441ھ 15؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

شوگر کی بیماری پہلے دانتوں کو متاثر کرتی ہے، ڈاکٹر آفتاب

ہیلی فیکس (زاہد انور مرزا) ڈینٹل سرجن ڈاکٹر آفتاب احمد نے کہا ہے کہ شوگر کی بیماری سے سب سے پہلے مریضوں کے دانت متاثر ہوتے ہیں۔ اس مرض میں مبتلا ہونے والوں کی علامات میں پہلے دانت اور مسوڑھے کمزور ہوجاتے ہیں، بعض اوقات ان سے خون رسنے لگتا ہے۔ ان کا کہنا تھا کہ شوگر کے ابتدائی مرض میں دانت اور مسوڑھوں کے زخم مندمل نہیں ہوتے، ان خیالات کا اظہار انہوں نے ’’جنگ‘‘ کو ایک خصوصی انٹرویو دیتے ہوئےکیا۔ انہوں نے کہا، ہمارے پاس ایسے مریض آئے ہیں جن کا علاج کرنے کے باوجود ان کو دوبارہ زخم ہوجاتا ہے، جس پر ان کے شوگر کے ٹیسٹ کرائے جاتے ہیں، مثبت رپورٹ ملنے کے بعد پہلے ان کی شوگر کنٹرول کی جاتی ہے، ڈاکٹر آفتاب کا کہنا تھا کہ عمومی طور پر شوگر کی بیماری دانتوں کو متاثر کرتی ہے، اسی دوران ڈینٹل سرجن ان کے دانت کا علاج کرنے سے پہلے شوگر کی بیماری سے باخبر ہوجاتا ہے، اکثر لوگوں کو دانت کی خراب پر شوگر کا مرض ہونے کی خبر ملتی ہے۔

یورپ سے سے مزید