سٹریٹ کرائم بے قابو، راولپنڈی میں 12 موٹرسائیکل 2 رکشے چوری

میرا شہر

اسلام آباد

05 دسمبر ، 2019

اسلام آباد( خصوصی نامہ نگار) راولپنڈی، اسلام آباد میں جرائم پیشہ افراد حاوی ہو گئے اور سٹریٹ کرائم بے قابو ہو گیا راولپنڈی میں ایک ہی دن میں 12موٹرسا ئیکل ، دو ر کشے، ایک گاڑی ،لاکھوں روپے مالیت کے طلائی زیورات، ملکی وغیر ملکی کرنسی اور دیگر قیمتی اشیاء سے محروم کردیاگیا۔ اسلام آباد سے دو کاریں چوری کر لی گئیں۔ سی پی او کی ہدایت پر اب تک زیر التواء درخواستوں پر 587 مقدمات کا اندراج ہوچکا ہے۔تھانہ سٹی کی حدودمیں اسلحہ کی نوک پر ملک شاپ پر ڈکیتی میں56ہزارروپے جبکہ دکان پر موجود گاہگوں طارق سےنقدی اور موبائل، تھانہ گنجمنڈی کی حدود سے موبائل ونقدی ،تھانہ رتہ امرال کی حدود سے 2وارداتوں میں 2موبائل و نقدی، تھانہ بنی کی حدود سے نقدی اور موبائل ،نیو ٹاؤن کی حدود سے2 وارداتوں میں4موبائل، زیورات اور 1275 یورو، تھانہ کینٹ کے علاقےسے دو واداتوں میں 2موبائل ،تھانہ نصیرآباد کے علاقے سےنقدی، پرس جس میں دستاویزات ،دو کراس چیکس اور نقدی، تھانہ آر اے بازار کے علاقے سے نقدی و کارڈز، تھانہ ریس کورس کے علاقے سے موبائل، تھانہ ائرپورٹ کے علاقےسے پرس، موبائل، نقدی، تھانہ صدر واہ کے علاقےسے 53000 روپے اور موبائل، تھانہ روات کے علاقے سے 25000 روپے اور موبائل،تھانہ روات کے علاقے سے نقدی و کاغذات چھین لیے گئے۔بھارہ کہو کی حدود سے نقدی، تھانہ کینٹ کی حدود سے 1 لاکھ 50 ہزار روپے، تھانہ ویسٹریج کی حدود سے جوتے مالیتی 30 ہزارروپے ،تھانہ ویسٹریج کے علاقے سے موبائل ،تھانہ سول لائن کے علاقے سے موبائل، تھانہ واہ کینٹ کے علاقے سے 85000، 500000 روپے مالیت کے طلائی زیورات،تھانہ گوجرخان کے علاقے سے سگریٹ،نقدی، 200موبائل کارڈز مالیتی 20000روپے ،تھانہ کلر سیداں کے علاقےسے 2بیٹریاں،سونے کا سیٹ مالیتی 400000روپے ، 159500اور زیورات مالیتی 200000روپے چوری کر لیے گئے۔

تازہ ترین