آپ آف لائن ہیں
جنگ ای پیپر
اتوار30؍جمادی الاوّل 1441ھ 26؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

کراچی: آن لائن ٹیکسی کمپنیز کے ڈرائیورز کا احتجاج

کراچی: آن لائن ٹیکسی کمپنیز کے ڈرائیورز کا احتجاج


کراچی میں آن لائن ٹیکسی کمپنیز اوبر اور کریم کے ڈرائیورز نے پریس کلب کے باہر احتجاج کیا۔

آن لائن ٹیکسی ڈرائیورز کا موقف ہے کہ کمپنیز کی جانب سے 35 سے 52 فیصد تک منافع کاٹا جارہا ہے۔

انہوں نے مزید کہا کہ وزیر ٹرانسپورٹ سندھ اویس شاہ نے اب تک نوٹس نہیں لیا ہے، صورتحال یہی رہی تو سروس بند کرنے پر مجبور ہوں گے۔

دوسری طرف ٹیکسی کمپنی کریم کے ترجمان نے کہا ہے کہ منافع کی کٹوتی میں اضافہ نہیں کیا، 25 فیصد سے زائد منافع نہیں لے رہے ہیں۔

خیال رہے کہ کریم اور اُوبر دو الگ الگ کمپنیاں تھیں لیکن رواں سال مارچ میں امریکی کمپنی اُوبر نے کریم کو 3 اعشاریہ 1 ارب ڈالر میں خرید لیا تھا۔

پاکستان سمیت دنیا کے مختلف ممالک کے 90 شہروں میں اپنی سروس دینے والی ٹیکسی کمپنی کریم کی خریداری کے باوجود یہ فیصلہ کیا گیا تھا کہ مذکورہ معاہدے کے بعد بھی دونوں الگ الگ ناموں سے کام کرتی رہیں گی۔

قومی خبریں سے مزید