آپ آف لائن ہیں
ہفتہ17؍ذی الحج 1441ھ8؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیراعلیٰ سندھ کی کابینہ ارکان کو کھلی کچہری لگانے کی ہدایت

وزیراعلیٰ سندھ سید مراد علی شاہ نے تمام وزراء اور مشیروں کو 21 دسمبر کو صوبے کے مختلف اضلاع میں کھلی کچہری لگانے کی ہدایت کی ہے۔ وزیراعلیٰ سندھ نے چیف سیکریٹری کے ذریعے حیسکو، سیپکو ، سوئی گیس اور نادرا کے نمائندوں کو بھی کھلی کچہریوں میں شریک ہونے کی ہدایت کی ہے۔

اس موقع پر انھوں نے وزرا کو جو شیڈول پروگرام جاری کیا اسکے مطابق ڈاکٹر عذرا فضل پیچوہو کو میرپورخاص میں، سید ناصر حسین شاہ کو شہید بے نظیر آباد، مخدود محبوب کو ٹنڈو محمد خان میں، اسماعیل راہو لاڑکانہ ، میر شبیر بجارانی سجاول، سعید غنی حیدرآباد، سردار شادہ مٹیاری، شہلا رضا ٹھٹہ، مکیش چاولا کو جامشورو میں کھلی کچہری منعقد کرینگے۔

جبکہ امتیاز شیخ کو سکھر، فراز ڈیرو کو گھوٹکی، تیمور تالپور ٹنڈوالہیار ، اویس قادر شاہ شکارپور، مرتضیٰ بلوچ سانگھڑ ، باری پتافی قمبر شہدادکوٹ، اکرام دھاریجو کشمور ، سہیل سیال جیکب آباد، نثار کھڑو خیرپور، مرتضیٰ وہاب نوشہروفیروز، اعجاز جکھرانی تھرپارکر، اعجاز شاہ شیرازی عمرکوٹ اور قاسم نوید دادو میں کھلی کچہری منعقد کریں گے۔

قومی خبریں سے مزید